有傳TVB將有重大變動﹗電視廣播有限公司主席，有「殼王」之稱嘅陳國強，傳出有意出售手上持有嘅TVB所有股權，並將辭去無綫董事局主席一職，最快明年一月卸任。
阿姐與無綫開台功臣羅仲炳代表全台領取「50周年光輝獎」，阿姐致辭時代全台發聲：「希望公司可以好好咁珍惜我哋每一位，雖然我哋個個都好搏、好捱得，不過如果公司嘅人工可以加多啲，休息嘅時間可以加多啲啲，關心多啲啲，山頭文化少啲啲，一定可以發掘同埋挽留到更多嘅人才。」阿姐回應傳媒：「呢個問題（山頭文化）其實好多公司都有，既然而家老闆咁有心想做好電視發展，希望公司好好珍惜人才，我都係講咗好多人想講嘅說話啫。」而羅家英就嫌阿姐講得未夠激，出席活動時說：「山頭係要去拜，唔同山頭，代表以前有好多大王霸山頭，TVB好多寨主，嗰啲係賊頭……」
曾多次擔任港姐司儀的曾志偉，於2013年港姐競選期間，寸爆由余詠珊統領的新改革賽制，由做現場（Live）變為錄影，志偉爆粗鬧：「X你老X！港姐係Live，點解要錄影呀？」前年9月，志偉再寸爆港姐決賽：「慘不忍睹！」去年再寸港姐淪落到去西貢拍外景，完全唔畀面大台。