近日連鎖快餐店麥當勞表示因船期混亂，跟早餐的薯餅供應緊張，籲顧客轉食粟米杯。連鎖熱狗店齊柏林 Zeppelin 就極速「抽水」，一晚時間搜購薯餅開賣，獲網友大讚。
麥當勞表示薯餅由美國運送到港，但近日船期混亂，薯餅有可能會遲到，或會供應緊張，因此提供讓顧客轉粟米杯選擇。有人就支持吃粟米杯，較為健康；亦有網友質疑薯餅是中國貨，「咁大間公司連基本材料都無，執左佢啦！」「冇薯餅我洗乜幫襯麥記（麥當勞）。」
雖然麥當勞指薯餅是「有機會」供應緊張，只是提供多個選擇，顧客仍可選擇要薯餅。但有網友反映於中環一間分店光顧，店員在無通知的情況下自動將薯餅轉成粟米，引來強烈不滿。
而連鎖熱狗店齊柏林就極速「抽水」， 以一晚時間成功採購薯餅現貨，並將火速推出分店發售，暫時只是期間限定形式試賣，如果反應熱烈，店方亦打算將薯餅加入恆常餐牌。網友亦讚店家反應夠快，「戒咗m記成年幾，終於有薯餅食」，「呢一樣真係等左（咗）好耐。因為一家人都鍾意食。」
